| اسلام ٹائمز۔ بھارت نے پاکستان کے ساتھ 2900 کلومیٹر طویل سرحد پر نگرانی سخت کرنے کیلئے جدید ترین ٹیکنالوجی پر مشتمل 5 درجاتی حصار قائم کرنے کے منصوبے کی منظوری دی ہے۔ اس منصوبے پر 29 کھرب روپے خرچ ہونگے۔ نئی دہلی سے جاری ہونے والی ایک میڈیا پورٹ کے مطابق کمپری ہنسو انٹگریٹڈ بارڈر منیجمنٹ سسٹم (سی آئی بی ایم ایس) کے تحت سرحدوں کی 24 گھنٹے نگرانی کے حوالے سے پنجاب اور جموں میں 5,5 کلومیٹر طویل سرحدی پٹی کے پائلٹ پراجیکٹس پر کام پہلے ہی شروع کردیا گیا ہے، اس انتہائی مہنگے منصوبے کے تحت بھارت اپنی 2900 کلومیٹر طویل سرحد پر سی سی ٹی وی کیمرے، تھرمل امیج اور نائٹ وڑن آلات، میدان جنگ کی نگرانی کرنیوالے ریڈار، زیر زمین نقل و حرکت کا پتہ لگانے والے آلات اور لیزر بیریئر نصب کیے جائیں گے۔ کسی بھی ایک آلے کی طرف سے کام چھوڑ دینے کی صورت میں دوسرا آلہ اس کی جگہ کام شروع کردیگا اور کنٹرول روم کو اطلاع کریگا، جموں سے گجرات تک 130 ایسے سرحدی علاقے جہاں بارڈر موجود نہیں، کی نگرانی کیلئے لیزر بیریئر لگائے جائیں گے، رپورٹ کے مطابق اس منصوبے سے 2900 کلومیٹر طویل سرحد پوری طرح بند کردی جائے گی۔ منصوبے پر فی کلومیٹر ایک کروڑ روپے کے حساب سے 29 کھرب روپے خرچ ہونگے۔ |  |
↧
پاکستانی سرحد کی نگرانی کیلئے حصار منصوبہ پر 29 کھرب روپے خرچ ہوں گے، بھارت
↧
