| اسلام ٹائمز۔ اپوزیشن لیڈرخورشید شاہ کہتے ہیں ملکی حالات کے اصل ذمہ دار وزیرداخلہ چوہدری نثار علی خان ہیں۔ وزیرداخلہ اپنی ناکامیاں چھپانے کے لیے الزام تراشی کا سہارا لے رہے ہیں۔ وزیرداخلہ چوہدری نثار کی پریس کانفرنس پر ردعمل میں خورشید شاہ کا کہنا تھا کہ ملک تباہی کے دہانے پر ہے، لوگ مر رہے ہیں اور وزیر داخلہ الزام تراشیوں میں مصروف ہیں۔ انہوں نے کہا کہ وزیر داخلہ ناکامیاں چھپانے کیلئے الزام تراشی کا سہارا لے رہے ہیں۔ خورشید شاہ نے کہا کہ ملکی حالات کے اصل ذمہ داری چوہدری نثار ہیں۔ چوہدری نثار میں اخلاقی جرات نہیں کہ وہ ذمہ داری قبول کریں۔ خورشید شاہ نے کہا کہ چوہدری نثار میں اتنی غیرت ہی نہیں کہ اپنی وزارت سے مستعفی ہو جائیں۔ میں وزیر داخلہ ہوتا ہے تو کب کا استعفی دے چکا ہوتا، اپوزیشن لیڈر خورشید شاہ کا کہنا تھا کہ وہ پیر کو پارلیمنٹ میں وزیر داخلہ کے الزامات کا تفصیلی جواب دیں گے۔ |  |
↧
ملکی حالات کے اصل ذمہ دار وزیرداخلہ چوہدری نثار علی خان ہیں، خورشید شاہ
↧
