| اسلام ٹائمز۔ پاکستان پیپلز پارٹی کے وفد کی مجلس وحدت مسلمین صوبائی سیکریٹریٹ سندھ آمد اور پی ایس 127 میں ہونے والے ضمنی انتخابات میں تعاون کی درخواست۔ ملاقات میں ایم ڈبلیو ایم سندھ کے صوبائی رہنماء سید علی حسین نقوی، ناصر حسینی سینئر رہنما، کراچی ڈویژن کے سیکریٹری جنرل میثم عابدی، ڈپٹی سیکرٹری جنرل انجینئر رضا نقوی، ڈویژنل رہنما علامہ مبشر حسن، سیکریٹری سیاسیات کراچی تقی ظفر موجود تھے، جبکہ پیپلز پارٹی کے وفد کی قیادت سابق مشیر وزیر اعلیٰ سندھ وقار مہدی کررہے تھے، وفد میں نجمی عالم، عبدالرزاق راجہ، جان محمد بلوچ، نعمان مراد بلوچ سمیت دیگر سینئر رہنما موجود تھے۔ اس موقع پر ایم ڈبلیو ایم کے رہنماؤں نے پی ایس 127 کے بلدیاتی مسائل کی جانب اشارہ کرتے ہوئے کہا کہ اس حلقہ میں سیوریج، نکاسی آب، صاف پانی کی فراہمی، بجلی کی لوڈشیڈنگ سمیت دیگر مسائل کا انبار لگا ہوا لیکن پی ایس 127 کی سیٹ پر منتخب ہونے والے نمائندگان نے آج تک حلقہ کے عوام کی داد رسی کیلئے کوئی اقدام نہیں کیا، مجلس وحدت مسلمین جو بھی فیصلہ کرے گی، وہ علاقے کے عوام کو مفاد کو مدنظر رکھتے ہوئے کرے گی کیو نکہ ہمارا مقصد عوام کی خدمت ہے۔ |  |
↧
پی ایس127 ملیر کا ضمنی انتخاب، پیپلز پارٹی کی ایم ڈبلیو ایم سے تعاون سے درخواست
↧