| اسلام ٹائمز۔ وزیر برائے ریلوے خواجہ سعد رفیق نے کہا ہے کہ کراچی میں 40 سال پہلے ٹرام چلتی تھی، اب سڑکیں ٹوٹ گئیں، کچرے کے ڈھیر ہیں۔ انہوں نے کہا کہ 1972 سے ریلوے کی تباہی کا آغاز ہوا، اگر کوئی کہے کہ ریلوے ٹھیک ہو جائے گی تو ایسا نہیں ہو سکتا، میں عمران خان نہیں ہوں، جو کہہ دوں کہ ریلوے میں سب ٹھیک کر دوں گا۔ انہوں نے کہا کہ میں ریلوے کی بحالی کیلئے آیا ہوں، یہ بچوں کا کھیل نہیں ہے، خسارہ بڑھ گیا تو ریلوے کی نجکاری ہو جائے گی، ابھی کام چلا ہے مزدور فیصلہ کریں انڈہ لینا ہے یا مرغی ذبح کرنی ہے، 2017 کے آخر میں مزدروں کو سروس سٹرکچر دیں گے جو ریلوے کی تاریخ میں پہلی بار ہو گا، ہم سب کو ساتھ لیکر چلیں گے، بدمعاشوں اور بلیک میلرز کو نہیں چھوڑیں گے، اب نئے انجن آرہے ہیں، آپ نے ان انجنوں کی حفاظت اور دیکھ بھال کرنی ہے۔ کراچی میں مزدوروں سے خطاب کے بعد خواجہ سعد رفیق نے مزدوروں سے محنت اور ایمانداری سے کام کرنے کا حلف لیا۔ |  |
↧
ہم سب کو ساتھ لیکر چلیں گے، بدمعاشوں اور بلیک میلرز کو نہیں چھوڑیں گے، خواجہ سعد رفیق
↧
