| اسلام ٹائمز۔ بھارتی وزارت خاجہ کے ترجمان ویکاس سوراپ نے کہا ہے کہ دو طرفہ مذاکرات میں حریت رہنماﺅں کا کوئی کردار نہیں ہو گا اور نہ ہی مشیر خارجہ سرتاج عزیز مذاکرات سے پہلے حریت رہنماﺅں سے ملیں گے۔ ترجمان کا کہنا ہے کہ اگلے ماہ متوقع دو طرفہ مذاکرات کے سلسلے میں پاک بھارت سیکرٹری خارجہ وقت اور جگہ کا تعین کرنے کے لیے رابطے میں ہیں، تاہم مذاکرات میں حریت رہنماﺅں کا کوئی کردار نہیں ہو گا۔ ترجمان کا کہنا تھا کہ بھارتی وزیر خارجہ کے دورہ پاکستان کے دوران مذاکرات کی بحالی پر اتفاق کیا گیا تھا۔ اس سے پہلے دہلی میں پاکستانی ہائی کمشنر عبد الباسط نے حریت رہنماوں سے ملاقات کی تھی اور بھارتی وزیر خارجہ کے دورہ پاکستان کی تفصیلات سے ان کو آگاہ کیا تھا۔ |  |
↧
پاک بھارت مذاکرات میں حریت رہنماﺅں کا کوئی کردار نہیں ہوگا، بھارتی وزارت خارجہ
↧
