| اسلام ٹائمز۔ شہر قائد میں قانون نافذ کرنے والے اداروں نے دہشتگردوں کے گرد گھیرا تنگ کر دیا ہے۔ مختلف مقابلوں میں 7 دہشتگرد مارے گئے ہیں، اور ہلاک دہشتگردوں کے قبضے سے دھماکہ خیز مواد، اسلحہ اور دستی بم برآمد ہوئے ہیں۔ ايس ايس پی ويسٹ غلام اظفر محيسر کے مطابق اورنگی ٹاون ضياء کالونی ميں پوليس مقابلہ کے دوران پانچ دہشت گرد ہلاک کر دیئے گئے۔ ملزمان ہائی روف اور موٹرسائکل ميں سوار تھے۔ پوليس نے موٹرسائیکل کو رکنے کا اشارہ کيا، تو ہائی روف سے ملزمان نے پوليس پر فائرنگ کر دی۔ ملزمان کے قبضے سے اسلحہ، ہینڈ گرينڈ اور بارودی مواد برآمد کر لیا گیا ہے۔ ہلاک دہشتگردوں کی شناخت تاحال نہیں ہو سکی ہے۔ تھانہ چاکيواڑہ اور نپير تھانے کی حدود ميں دو پوليس مقابلوں میں بابا لاڈلہ گروپ کے دو کارندے ہلاک کر دیئے گئے۔ ہلاک دہشتگردوں کے قبضے سے اسلحہ برآمد کر لیا گیا ہے۔ ایس ایس پی سٹی فدا حسین کے مطابق ہلاک ہونے والے دہشتگرد ٹارگٹ کلنگ اور بھتہ خوری کی متعدد وارداتوں میں ملوث تھے۔ |  |
↧
کراچی: سیکیورٹی فورسز کی مختلف کارروائیوں میں 7 دہشتگرد ہلاک
↧