| اسلام ٹائمز۔ انسداد دہشت گردی عدالت نے اشتعال انگیز تقریر کیس میں بزرگ عالم دین علامہ مرزا یوسف کی درخواست ضمانت مسترد کردی ہے۔ کراچی کی انسداد دہشت گردی عدالت میں اشتعال انگیز تقریر کیس میں علامہ مرزا یوسف کی درخواست ضمانت کی سماعت ہوئی۔ تفتیشی افسر نے عدالت میں بیان دیا کہ علامہ یوسف پر فرقہ وارانہ اشتعال انگیز تقریر کا الزام ہے اور ان کے خلاف واقعے کا مقدمہ بھی شریف آباد تھانے میں درج ہے۔ عدالت نے فریقین کے دلائل سننے کے بعد علامہ مرزا یوسف کی درخواست ضمانت دوسری مرتبہ مسترد کردی۔ واضح رہے کہ گزشتہ سماعت پر بھی تفتیشی افسر نے عدالت میں موقف اختیار کیا تھا کہ علامہ مرزا یوسف نے رواں برس مئی میں خرم ذکی کی نمازجنازہ میں اشتعال انگیز تقریرکی تھی اور اس واقعہ کا مقدمہ شریف آباد تھانے میں درج ہے لہذا علامہ مرزا یوسف مرزا کا 14 روزہ جسمانی ریمانڈ دیا جائے جبکہ عدالت نے علامہ مرزا یوسف کو 14 روزہ جوڈیشل ریمانڈ پر جیل بھیجنے کا حکم دیا تھا۔ |  |
↧
اشتعال انگیز تقریر کیس کی سماعت، علامہ مرزا یوسف کی درخواست ضمانت دوبارہ مسترد
↧