| اسلام ٹائمز۔ عراقی فضائیہ نے دارالحکومت بغداد سے 428 کلومیٹر دور مغرب میں صوبہ انبار کے اتباہ قصبے میں داعش پر بمباری کی جس میں 13 دہشت گرد ہلاک ہوئے۔ المدہق علاقے میں چھاپہ مار کارروائی کے دوران مزید 12 دہشت گرد مارے گئے۔ رمادی کے مغرب میں 20 دہشت گردوں کو ہلاک کیا گیا۔ انبار کے دیگر علاقوں میں فورسز نے 30 دہشت گردوں کو ہلاک اور متعدد بارودی سرنگوں کو ناکارہ بنادیا۔ کرما، دھیرا، ادجلا اور الفارس کے علاقوں میں بھی داعش کے 23 دہشت گرد مارے گئے۔ امریکی فوج کی بمباری سے عراقی سرحد کے قریب شامی علاقے میں داعش کے زیر استعمال 2 پل تباہ ہو گئے۔ دریں اثناء امریکی فوج نے عراق اور شام میں داعش کے ٹھکانوں پر 41 فضائی حملے کیے ہیں۔ اے ایف پی کے مطابق ترکی کے جنوبی علاقے عدانا میں کرد جنگجوؤں کے حملے میں مزید 2 ترک پولیس اہلکار ہلاک ہو گئے۔ |  |
↧
عراقی فوج کے آپریشن میں 108 داعشی دہشت گرد ہلاک
↧