| اسلام ٹائمز۔ بھارتی اخبار نے دعویٰ کیا ہے کہ نئی دلی میں پاکستان رینجرز اور بھارتی بارڈر سیکیورٹی فورس کے درمیان مذاکرات میں ایک دن کی توسیع کردی گئی۔ مذاکرات کا خصوصی دور آج ہوگا۔ بھارتی میڈیا نے دعویٰ کیا ہے کہ لائن آف کنٹرول پر سیز فائر کی خلاف ورزیاں روکنے کے لیے نئی حکمت عملی بنائی جارہی ہے، جس کے لیے مذاکرات میں ایک دن کی توسیع کی گئی ہے۔ بات چیت کا خصوصی دور آج ہورہا ہے۔ ایک بھارتی اخبار کے مطابق پاکستان رینجرز اور بی ایس ایف کے درمیان آج نئی حکمت عملی اور پروٹوکول پر بات چیت ہوگی اور اسے حتمی شکل دی جائے گی، جس کے بعد مذاکرات کی مشترکہ دستاویز پر دستخط کیے جائیں گے۔ اخبار نے اعلیٰ سرکاری ذرائع کے حوالے سے کہا ہے کہ مذاکرات میں دونوں جانب سے لائن آف کنٹرول پر امن وسکون برقرار رکھنے پر اتفاق ہوا ہے۔ |  |
↧
پاکستان رینجرز اور بی ایس ایف کے مابین مذاکرات میں ایک دن کی توسیع
↧
